آلتينجي بولوم بلكين قديم و نجيب ائوي


هري دئدي: ‌عذاب وئرمه كدن اوتور شيكنجه قارقيشي وار، اونون باشقابيرزادا احتياجي يوخدور.
هامميسي او سيلاحا گورا فيكره گئتديلر.
جرج دئدي: فيكر ائديرسيز ايندي او اسلحه كيمين الينده اولا؟
رون ناراحات حالدا دئدي: هر كيمدير، اومودوم وار بيزيم طرفيميز اولا!
فرد دئدي: حتمأ ايندي دامبلدورون الينده.
رون دئدي: هاردا، هاگوارتزدا؟
جرج دئدي: من شرط ويريرام اوردا، جادو داشيندا ائله اوردا گيزلتميشدي، ياديزدا دئييل؟
رون دئدي: آخي سيلاح داشدان چوخ بويوك راقدير.
فرد دئدي: اوني دئمه ك اولماز!
جرج آرتيردي: زور بويوك چيچيكليغدا دئييل، جيني يه بير باخ!
هري دئدي: منظورون نه دير؟
- ايندييه جان اونون گئجه قوشو قارقيشين گوروبسن؟
فرد تختين اوستوندن دوروب و دئدي: هيس! قولاغ آسين!
هاممي ساكيت اولدي، پله لردن آياق سسي گليردي.
جرج دئدي: واي! آنا! وبير اوجا سسيله غيب اولدي. خانم ويزلي قاپينين داليسيندان قولاغ آسيردي.
رون ايله هري سس سيز اوتورموشدولارو خانيم ويزلينين گئتمه يين گوزله ييرديلر. نئچه ثانيه دن سونرا خانم ويزلي فرد ايله جرجا باش ويرماقدان اوتور يوخاري طبقه يه گئتدي.
رون تاسفيله دئدي: گورورسن، اصلأ بيزه اعتمادي يوخدير.
هري نين يوخوسي گليردي، اما ايستيردي يورقان دوشه گي ايچينده بوگون بيلديگي سوزلره گورا بير آز فيكر ائتسين. اما اونون يوخويا گئتمه گي چوخ چكمه دي!
هري يوخو ايچينده ساييخليردي كي جرجين سسي اونو آييتدي.
- آنا دئيير دورون، صبحانه حاضيردي. بوگون گره ك اونا كومك ائده سيز، بو اوتاغلارين ((داكسيا)) سي فيكر ائتديغيميزدان چوخ دير، هله تازاليغدا قوناق اوتاغيندان بير اولي ((پافسكين)) ده تاپيليب!
هري ايله رون صبحانه ني يييه ندن سونرا قوناغ اوتاغينا گئتديلر. قوناغ اوتاغي بويوك اوتاغ ايد ي و توز توپراقدان بير بالاجا بولوت اورانين سقفينده دوزلميشدي! خانم ويزلي، هرمايوني، جيني و فردايله جرج پرده لرين يانيندا دوروب و اوزلرينه بير دستمال باغلاميشديلار.
خانم ويزلي هري يه دئدي: اوزوزي باغلايين و بير اسپري گوتورون. وايكي دانا قارا قابا اشاره ائديب دئدي: بو سو داكسي اولدورن داوادير، من ايندييه جان بوجور كيفير ائو گورمه ميشديم، بيلميرم بو ائو جني بو اون ايلده نيليردي؟
هرمايوني نين اوزونون ياريسي باغلي ايدي اما هري اونون خانم ويزلي يه سوزلي باخيشين گوردي.
- كريچر چوخ قوجاليبدير. داها بو ايشلري گورنمير.
سيريوس كي تازا اوتاغا گلميشدي، دئدي: هرمايوني اگر بيلسن بو جن ايسته سه نه ايشلر گوره بيلر، اينانمازسان.
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ

مترجيم!: مهدي واحد
E-mail:mehdi_vahed2002@yahoo.com



يازيليب بو ساحات دا6:35 AM Yalqizتوسط ايله