آلتيمينجي بولوم بلكين قديم و نجيب ائلي

خانم ويزلي قاش قاباغيله اولاري اوست طبقه يه يولا سالدي. و اوست طبقه ده دئدي: " هامميبز تئز گيرين يئرلريزه، آيري سوز اولماسين، صاباحا ايشيميز چوخدي. هرمايوني فيكر ائديرم جيني ياتيبدير، اونو دبتمه."
هرمايوني گئجه ز خير دئيب وپله لره ساري گئتدي. فرد ياواشجا دئدي: " اگر جيني بو سوزلري هرمايوني نين آغيزيندان ائشيتمه ك اوچون اوياق قالماسا من بير فلوبر قوردويام! "
هريله رون اكيز قارداشلارا گئجه ز خير دئييب و اوتاغلارينا گئتديلر. هري نين نظرينه اوتاغ چوخ داريخمالي گليردي. هدويگ ايله خرچال اولاري گورنده سس سالماقا باشلييب وقول قاناد چالديلارو رون اولاري ساكيت ائتمه كدن اوتور بير بسته بايقوش يئمه گي كومودون اوستونه آتدي."
رون پالتارلارين عوضلييه- عوضلييه دئدي: " گره ك قويماياق هر گئجه شيكارا چيخسينلار، دامبلدور دئيير خطري وار." و سونرا قاپيني دالدان قيفيللادي.
هري سوروشدي: " نييه بو ايشي گوردون؟ "
رون چيراغي سوندوروب ودئدي: " بيرينجي گئجه بوردا ياتاندا كريچر گئجه ساعات اوچده بو اوتاغين دوروبرينده فيريلديردي! ايسته مه ديم گئجه بيزه مزاحيم اولسون. و سونرا يورقان دوشه گينه گيريب و دئدي: " سن نمه نه حدس ويريرسان؟ "
لازيم دئييلدي هري اونون منظورون سوروشا.
رون آرتيردي: " اولار اوزوموز حدس ويرديغيميزدان باشقا بير سوز بيزه دئمه ديلر، منظوروم بودوركي ياني اولار جادوگرلرين ول... ا قوشولماسينين قاباقين آلماقدان سوواي آيري بير ايش گورموللر؟ "
رون نفس- نفس چاليردي. هري دئدي: " نه وقت ايستيرسن اونون آديني دئمه گي اورگنه سن؟ سيريوس ايله لوپينده اونون اوز آديني دئييرلر. "
- " بلي، دوز دئيرسن. بيز قاباقجان اوزانان قولاقلاريله بو ايشلردن خبريميز وارايدي، تكجه..."
تاراق...!
- آي!
- " رون، سسيوي يئندير آشاغا، ايندي آنا گله ر."
- " آخي سيز ايكيزده منيم آياغلاريمين اوستونده ظاهير اولوبسوز! "
- " بيزي باغيشلا، بو ايش قارانليقدا لاپ چتين دير."
جرج سوروشدي: " ائده بيلديز بير شئيلر حدس ويراسيز؟ "
هري دئدي: " سيريوس دئييه ن سيلاحي دئييرسن؟ "
فرد دئدي: " ياواش دانيش، هن اوني دئييرم، بيز قاباقجان اوندان بير سوز ائشيتمه ميشديك."
هري دئدي: " فيكر ائديرسيز او نمه نه اولا؟ "
فرد دئدي: " هر نمه نه اولا بيلر! "
رون دئدي: " به يه آواداكورا دان دا خطرلي بير شئي وار؟ آخي نمه نه اولومدن ده پيس اولا بيلر؟ "
جرج دئدي: " شايد ائله بير زاد اولا كي بير يئرده چوخ آدام اولدوره."
رون قورخو ايله دئدي: " شايد ائله بير شئي اولاكي آغري و عذاب ايله آداملاري اولدورسون."
____________________________________________________________________________
مترجيم: مهدي واحد
E-mail: mehdi_vahed2002@yahoo.com

يازيليب بو ساحات دا11:55 AM Yalqizتوسط ايله