ققنوسون محفلي

سيريوس بوشقابيني قاباقا ايته لييب ودئدي: " هله يوخ مالي " وچوندي كي هري يه باخا وآرتيردي: " بيليسن هري، من سندن تعجب ائديرم، من فيكر ائديرديم سن بورا گلسن بيرينجي ايشين ولدمورتدان سوروشماق اولاجاق."
اوتاقين جووي ائله دييشيلدي ائله بيل كي دلي الي ينلر اورا حمله ائديبلر! نئچه لحظه بوندان قاباق هاممينين يوخوسي گليردي اما ايندي هاممينين قولاقي او بيرسينين آغزينداايدي!
هري جواب وئردي: " من بو ايشي گوردوم، رونيله هرمايونيدن سوروشدوم اما اولاردئديلر اجازه لري يوخدي..."
خانم ويزلي دئدي: " حق اولاريناندي، سيزهله چوخ اوشاقسيز."
او صندلينين اوستونده محكم اوتورموشدي واللرين يوموروقلاميشدي. سيريوس سوروشدي: " نا واقتدان بويانا آدام بير شئي سوروشماق اوچون گره ك محفلين عضوي اولا؟ هري بير آي موگل لرين ائوينده گيره دوشموشدي وايندي حقي وار بيله كيم كيمه دير."
جرج اوجا سسيله دئدي: " بيرلحظه دوز."
وفردده حيرصيله دئدي: " به نييه هري نين سواللارينا جواب وئريسيز؟ "
جرج دئدي: " بيز بير آيدير بو سوزلري سيزدن سوروشوروق اما سيز بيزه بير درده ديمه ز سوزده دئميسيز."
فرد آناسينا اوخشارسسيله دئدي: " سيزهله چوخ اوشاقسيز وهله محفلين عضوي دئييل سيز، هري هله قانوني سننه ده يئتيشمييب دير."
سيريوس آرام دئدي: " بوكي محفلين ايشلريندن سيزه بير سوز دئيلمييب منيم تقصيريم دئييل، بو سيزين آناوآتازين تصميم ايدي. اما هري..."
خانم ويزلي تئزدئدي: " بوكي نمه نه هري يه ياخچي دير نمه نه پيس، سنه مربوط اولان ايش دئييل." اونون مهربان چهره سي ايندي قورخمالي گورسنيردي! " دامبلدورون سوزلرين كي اونوتماييبسان؟
سيريوس ادبيله سوروشدي: " هانسي سوزلرين؟ "
خانم ويزلي دئدي: " او دئيردي كي هري يه فقط لازيم اولان سوزلري دئيين."
رون، هرمايوني، جرج و فردين باشلاري سيريوسيله خانم ويزلي نين آراسيندا فيرلانيردي! ائله بيل بير تنيس مسابقه سين تاماشا ائديرديلر!
سيريوس دئدي: " مالي، منده اونا لازيم اولدوقوندان چوخ بير سوز دئميرم، اما هري ولدمورتون قاييتماقينا شاهيد ايدي و اونون بيزدن چوخ حقي وار..."
خانم ويزلي دئدي: " او محفلين عضوي دئييل و فقط اون بئش ياشي وار و..."
_ " و محفلين عضولرينين هامميسيجان ايش گوروب، بعضيلردن چوخ."
خانم ويزلينين كي سسي قوزانيردي دئدي: " هئچ كس اونون ايشلريني دانمير، اما او هله..."
_ " او داها اوشاق دئييل."
_ " بويوك ده دئييل، سيريوس بو جيمز دئييل."
_ " من ياخچي بيليرم بو كيمدير، ساغ اول مالي."
_ " سنين بيلماقيوا مطمئن دئييلم، هردن ائله رفتار ائديسن ائله بيل كي سنين لاپ ياخچي راق يولداشين قاييديبدير."
هري دئدي: " بونون نه اشكالي وار؟ "
خانم ويزلي سيريوسا باخا- باخا دئدي: " اشكالي بودوركي بو سنين آتان دئييل هري، سن هله مدرسه اوشاقيسان و سنين بويوكلرين گره ك بوني بيله لر."
سيريوس قيشقيردي دئدي: " سوزلريوين معني سي بودوركي من هري يه مسئوليت سيز آدلانميش آتايام؟ "
_ " معني سي بودوركي سن بير تله سن آدام سان، اونا گورا دامبلدور تئز تئز سنه دئيير كي ائوده قالاسان و..."
_ " دامبلدورون دستورلارين سوزون آراسينا آتما. "
خانم ويزلي ارينه ساري چونوب و دئدي: " آرتور! آرتور! منه كومك ائت."
آقاي ويزلي عينكين چيخاتدي و اوني تميزله ماقا باشلادي ودئدي: " مالي، دامبلدور بيلير وضع دييشيليب، ايندي هري فرماندهليق مركزينده دير و گره ك سواللارينا بير حدده جان جواب وئريلسين."
_ " بلي، اما نه كي اوندان دعوت ائده ك هر نمه نه ايسته سه سوروشا."
لوپين كي دانيشميردي وفقط بحث ائدنلره باخيردي دئدي: " من فيكر ائديرم كي..."
خانم ويزلي بير متحد تاپماق اومودونه لوپينين اوزونه باخدي.
_ " هري دوغرو سوزي بيزدن ائشيتسه بوندان ياخچي دير كي اوتاي بوتايدان يالان سوزلر ائشيده."
لوپينين قيافه سي آرام ايدي، اما هري اونون اوزانان قولاقلاردان خبري اولماسيني بيليردي.
خانم ويزلي بير درين نفس چكيب دئدي: " ياخچي، سيز مني اوتدوز، فقط بوني دئييه بيلله م كي دامبلدور بيرزاد بيليردي كي دئييردي هري يه چوخ سوزلري دئمييين. منيمده كي هري يه چوخ علاقه م واردي..."
سيريوس دئدي: " او سنين اوغلون دئييل."
خانم ويزلي حيرصيله دئدي: " اما اوغلومونان فرقي يوخدير، اونون مندن سونرا كيمي وار؟ "
_ " من! "
_ " بلي، اما سن آزكاباندا دوستاق اولاندا اوندان مواظب اولا بيلميردين، بيه يوخ؟ "
سيريوس يئريندن قالخدي.
لوپين تئز دئدي: " مالي، بوردا هري ني سئوه ن تكجه سن دئييل سن، سيريوس اوتي."
سيريوس ياواش اوتدي يئرينده اما معلوم ايدير كي چوخ ناراحات اولوب.
____________________________________________________________________________

مترجيم!: مهدي واحد
E-mail: mehdi_vahed2002@yahoo.com


يازيليب بو ساحات دا11:02 AM Yalqizتوسط ايله