ققنوسون محفلي

لوپين خانم ويزليه غذا چكيب و دئدي: " چوخ يئمه لي گورسنير مالي! "
نئچه دقيقه ايدي كي فقط قاشيقلارو چنگاللارين بشقابلارا ديماق سسي گليردي وهئچ كس دانيشميردي.
سونرا خانم ويزلي سيريوسا دئدي: " نئچه مدتدير كي قوناق اوتاغينين يازماق ميزينين آلتيندا بير شئي تله يه دوشوب و سس سالير، امكاني وار فقط خورتدان(1) اولا، اما فيكرائديرم اول الستور اولارابير باخسين."
سيريوس دئدي: " نه جور صلاح بيليسن اوجور ائله."
خانم ويزلي آرتيردي: " اورانين پرده لري دولودير داكسي ايله، صاباح گئده ك اولاري دا توتاق، ياخچي؟ "
سيريوس دئدي: " منيمده گوولوم وار او ايشي گوره م! "
هري سيريوسون طعنه لي جوابلارين متوجه اولوردي اما بيلميردي او بيرسيلرده باش تاپيرلار يا يوخ. اونون قاباقيندا تانكس اوتورموشدي وغذا يييه يييه بيرنينين شكلين عوضليردي و هرمايونيله جيني نين باشين قاتيردي. هرمايوني ايله جيني اوز سويدوقي بيرينلارين تانكسدان ايستيرديلر.
_ " تانكس اوكي دوقوز بيرنينا اوخشوردي."
وتانكسدا تئز اولارين دئديغيني گوروردي واولاري گولدوروردي.
خانم ويزلي، بيل ولوپينده گابلينلرين موردينده جروبحث ائديرديلر.
بيل دئدي: " اولار هئچ زاد اوزه گتيميرلر، من هله بيلميرم اولار اونون قاييتماقين اينانيبلار يا يوخ، اما مومكوندير اولار هئچ كسين طرفين توتمايالار."
آقاي ويزلي باشين ترپه ديب دئدي: " منيم اطمينانيم وار اولار آدين آپارمانين طرفين توتماياجاقلار، گابلينلردنده اولن چوخ اولوب، ناتينگهامين ياخينليغيندا اولن گابلين خانواده سي ياديزدا؟ هاميسين آدين آپارما اولدورموشدي."
لوپين دئدي: " من فيكر ائديرم قاليب اولارا نمه نه وئره سن، منظوروم قيزيل دئييل، مثلآ اگر اولارا او آزادليق كي نئچه قرن دير بيز اولاري اوندان محروم قويموشوق پيشنهاد اولسا، اولار شايد آلدانالار. بيل، رگنوكا گورا هله شانسين اولماييب؟ "
بيل دئدي: " او ايندي جادوگر ضدي اولوب، هله ده بگمن ين اليندن ناراضي دير، فيكر ائدير بو وزارتخانانين ايشي ديركي قويماييبلار اولار قيزيللارينا يئتيشه لر، آخي بيليسيز..."
بير اوجا گولمه ك سسي بيلين سسين كسدي. فرد، جرج، رون و موندانگوس گولمه كدن اولوردولر!
موندانگوسون گوزلريندن ياش توكولوردي اما بوغولان سسيله دئدي: " سونرا! سونرا! منه دئدي: گل بورا دانگ، بو بئله وزغي هاردان گتيريبسن؟ چون بيرنفر اولاري مندن اوغورلاييب. منده دئديم: وزغلريوين هامميسين اوغورلادي؟ گئنه ايستيرسن هن؟ جوانلار اينانين ! عقيل سيز گارگويل اوز وزغلرين مندن باها قيمته آلدي! "
رون ميزين اوستونه دوشموشدي وگولوردي. خانم ويزلي دئدي: " فيكر ائديرم داها لازيم دئييل بيز سيزين آليش وئريش ايشلريزه گورا بير شئي ائشيده ك، چوخ تشكر ائديرم موندانگوس."
موندانگوس گوز ياشين سيليب وهرييه گوز ويريب دئدي: " باغيشلا مالي، بيليسن نه وار؟ آخي ويل اوزي اولاري وارتي دان اوغورلاميشدي، من پيس ايش گورمه ميشديم."
خانم ويزلي سويوق حالتيله دئدي: " من بيلميرم سن هاردا پيس ايله ياخچي ني اورگنيبسن، اما نظره گلير نئچه دانا مهم درسده غايب اولوبسان."
هري باخدي سيريوسا. سيريوس دوداقي آلتيندا دئدي: " مالي نين موندانگوسدان خوشي گلمير."
هري ياواش سوروشدي :" به نييه او محفلين عضوي دير؟ "
_ " چون فايدالي دير، اوهر جوره سفئه ليق وبورك قويماقين يولوني بيلير، اوندان علاوه دامبلدورادا چوخ وفالي دير، چون دامبلدور اوني اولومدن قورتاريب. اونون محفله چوخ فايداسي وار، ماليدا بوني بيلير اما دئير كي اوني سفرا باشينا چاغيرماق داها لازيم دئيل. مالي هله سنين موردينده اوني باغيشلاماييب."
هري اوقدر غذا يئميشدي كي شالواري نظرينه دار گليردي! و قئييشي قارنين سيخيردي.
آقاي ويزلي ده صندلينه دايانيب وراحت اوتورموشدي. جيني ده ايري اياقيله اوينوردي. خانم ويزلي اسنيييب دئدي:"ياخچي، ايندي يوخي وقتيدير."
____________________________________________________________________________
مترجم!: مهدي واحد
E-mail: mehdi_vahed2002@yahoo.com


يازيليب بو ساحات دا2:25 PM Yalqizتوسط ايله