Yalniz

    بو وئبلاگا خوش گليب سينيز....هري پاتر وققنوسون امري دستاني نين توركجه ترجمه سي

Sunday, October 26, 2003

گريمالدپليس

هرمايوني دئدي: " اولاربيركلمه ده دلي الي ينلرين سنه يوگورماقيندان گزارش ائتمه ديلر، بيرنفراولارا دئيب سسلرين چيخاتماسينلار، بواولارا ياخچي بيرمقاله اولابيلردي، نوخدا قيران دلي الي ينلر! اولارهئچ سنين ميلتلرآراسيندا اولان گيزلين ساخلاماق قانونوني سينديرماقيدا يازمييبلار، بيزدئيرديك يازارلار، اما... فيكرائديرم ايستيرلر سن اخراج اولاسان و... " وسورا تئز آرتدي: " قانون اوزوينن اولسا سن گره ك اخراج اولماياسان، سنين علئيهيوه هئچ زادلاري يوخدير."
هري ايستميردي دادگاهدان دانيشسين، اونا گورا باخدي دوروبرينه كي آيري بيرسوز تاپا امابير اياق سسين ائشيتماقيله فيكري داغيلدي.
فرددئدي: " واي " و اوزانان قولاقلاري چكدي ايچريه واوجا بيرسسيله اوندان جرج گوزدن ايتديلر.
نئچه ثانيه دن سورا خانم ويزلي قاپينين آغزيندادورموشدي.
_ " ييغينجاق قورتولدي، ايندي گلين شام يئيين، هري هاممي ايستيرسني گورسون، بيرده... كيم اوقيغلاري آشپزخانا قاپيسينين آغزينا توكموشدي؟ "
جيني تئزدئدي: " ايري اياقين ايشيدي، اوقيغلاريله اوينوردي. "
_ " من فيكرائديرديم ((كريچر)) ين ايشي اولا، بوجورايشلر اوندان بعيددئييل، جيني گل اللريوي يو، تئز اول." وقيزيله اوتاقدان چيخديلار.
هري باخدي هرمايونيله رونا ودئدي: " باخيز..."
رون باشين ترپتدي ودئدي: " هري بيزبيليريك سن آجيقلي ايدين، اما بوني بيل كي بيزدامبلدوري راضي ائتمك اوچون چوخ چاليشديق."
هري دئدي: " بلي، بيليرم."
هري كي ايستيردي بحثي چويورسون سوروشدي: " كريچر كيمدير؟ "
رون دئدي: " بيرائوجني كي بوردا ياشار، چوخ سفئه دير."
هرمايوني قاش قاباقيله دئدي: " رون او سفئه دئييل."
رون حيرصيله دئدي: " ياشاييشيندا بويوك اوميدي بوديركي باشين كسيب بيرپلاك اوستونده ويرسينلار، دوز آناسي كيمي، بونون هاراسي طبيعي دير؟ "
_ " اولسون، دوزدير آزجا غيرطبيعي دير اما اونون گوناهي دئييل."
رون هري يه باخيب دئدي: " هرمايوني هله كيفيرلردن ال چكمييب."
هرمايوني دئدي: " اولاركيفير دئييللر، گره ك دييه سن جنلرين يارديم قورقوسي، هله تكجه من دئييلم، بيه دامبلدور دئمه ز گره ك كريچيله محبتلي اولاق؟ "
رون دئدي: " ياخچي، ايندي تئز اولون من آجام."
او هاميدان قاباق يولا توشدي، آشاغادان ييغينجاقدا اولانلارين سسي گليردي وهري ((اسنيپ)) ين سسين اولارين آراسيندان سئچدي، هرينين اسنيپدن زهله سي گئده ردي!
رون هري يه دئدي: " اللاها شكر كي اسنيپ شامي بوردا يئمه ز."
هرمايونيده ياواشجا دئدي: " يادينداقالسين كي راهرودا اوجا دانيشما، پله لردن انديلروتانكسيله ويزلي خانيمي يئمه ك اوتاغينين آغزيندا گوردولر. خانم ويزلي اولاري گورجه ك دئدي: " بيزآشپزخانادا شام يئييريك، هري سنده..."
گروپ!!!
خانم ويزلي حيرصيله قيشقيردي: " تانكس! " وچوندي داليسينا.
تانكس كي يئره ييخيلميشدي سيزيلدادي ودئدي: " مني باغيشلايين، گئنه بو كولگه ليقا ديديم، بو ايكينجي يولدي كي..."
اما اوبيرسي سوزلري بير اوجا وقوخمالي سيزيلتيدا ايتدي.
بيد يئميش پرده لر كي هري اولارين قاباقيندان سووشموشدي آرالانميشدي واونون داليسيندا بيرباشيندا قاراپاپاغ قوجا آرواد قيشقيريردي.
ائله بيل شيكنجه اولوردي، هري تئز متوجه اولدي كي اوبير ترپشه ن پرتره دير، اما چوخ ديري گورسنيردي. قوجا آرواد يامان دئيردي وگوزلري فيرلانيردي، اوبيرسي پرتره لرده سس سالماقا باشلاديلار و هري الين قولاقينين اوستونه قويدي.
لوپين ايله خانم ويزلي پرده لره ساري يوگورديلرو چاليشديلار اولاري اورته لر اما اولار اورتولموردولر و آروادين سسيده اوجاليردي.
_ " اسگيكلر! كيفيرلر! قوخوموشلار! بوردان ايتين! نه جورجرات ائتميسيز بيزيم آتابابا ائويميزي باتيراسيز؟..."
تانكس تئزتئز عذر ايستيردي! وخانم ويزليده اوبيرسي پرتره لري هوشسوز ائديردي. سورابير قاراتوكلي كيشي قاپيدان گيردي وهري يه ساري گلدي واوحالداكي پرده لره ال آتميشدي دئدي: " خفه لن، قورخولي قاري، خفه لن! "
قوجا آروادين رنگي آتدي وكيشيني گورجه ك دئدي: " سن! اي آتالارينا خيانت ائده ن! ناخلف اوغول! منيم شرميم...! "
كيشي دئدي: " خفه لن " وبيرحركتيله پرده لري اوتدي. آروادين سسي باتدي و گئنه هرزاد طبيعي اولدي. هرينين آدلانميش آتاسي نفس ويرا ويرا توكلرين گوزلرينين اوستوندن كنارا ويردي ودئدي: " سلام هري، گورورم كي آنامينان تانيش اولدون."

____________________________________________________________________________

مترجم!: مهدي واحد
E-mail: mehdi_vahed2002@yahoo.com





لوگو


گجيل سايتي :نه ايستير سينيز!!!؟؟

PDF فرموندا فصيل لر:

بيرينجي فصيل

ايكينجي فصيل

اوچونجي فصيل

دوردونجي فصيل

جناب مهران بهاري دان اوز گوركم وارايش لرينه خاطير تشكر اليريك.


آرشيو