Yalniz

    بو وئبلاگا خوش گليب سينيز....هري پاتر وققنوسون امري دستاني نين توركجه ترجمه سي

Saturday, October 18, 2003

گريمالدپليس

فرددئدي: " پرسيله آتانين دئيشمه سي وارايدي. من اينديه جان گورمه ميشديم آتابئله حيرصله نه، چوخلي آنا بوجور قيشقيراردي."
رون دئدي: " ترمين قورتاراندان سورا بيرينجي هفته ايدي، بيزبومحفله قوشولماقدان اوتورحاضيرلاشيرديق كي پرسي گلدي ائوه دئدي ايشينده ترفيع آليبدير."
هري دئدي: " شوخلوق ائديسن." اما بيليردي پرسينين گوزلري دويمياندير! هري فيكرائديردي پرسي بيرينجي ايشينده موفق دئيل وشايد علتي اونون رئيسينين ولدمورتيله ارتباطي اولماق اولايدي. البته ويزارت بوجوردئميردي، اونلاردئيرديلرآقاي كرواج دلي اولوبدير."
جرج دئدي: " بلي، بيزهاميميزقورودوق! چون كراوجين مساله سينده چوخ اينجيدي، اوني بازجويي ائديب و... اونلار دئيرديلر پرسي گره ك رئيسينين دلي اولماسيني بيليد ي وبويوك باشلاراخبروئريدي، اماسيزكي پرسيني تانيسيز، اونداكي كراوج ايشلرين هاميسين اوناتاپشيردي داهاسسين چيخاتمادي."
_ " به نيه اوناترفيع وئرديلر؟ "
رون دئدي: " ائله بيزده اوندان تعجب ائتديق". نظره گليردي رون هرينين آرام اولماقيندان چوخ سويونوردي و ايستيردي دانيشيقي آرام ساخلاسين و آرتيردي: " او اوزوندن چوخ راضي ايدي، هميشه كيندن چوخ. گلدي ائوه وآتايا دئدي فاجين دفترينده اونابيرايش وئريبلر، بوايش بيرنفره كي فقط بيرايلدير درسين قورتاريب چوخ ياخچي ايدي، وزيرين ايكينجي كومكي. پرسي فيكرائديردي آتا سويونه."
فردآجي لحنيله دئد ي: " اما آتا سويونمه دي."
هري دئدي: " نيه؟ "
جرج دئدي: " ائله بيل فاج قويموردي وزارتخانادا بيركسين دامبلدوريله آراسي اولسون."
فرد دئدي: " آخي دامبلدورون آدي وزارتخانادا پيسه چيخيب، اونلارفيكر ائديللر او آدين آپارما قاييديبدير دئماقيله ايستير ايشلري قاتسين."
جرج دئدي: " آتا دئدي فاج هاميا دئيبدير هركس دامبلدوريله ال بيراولسا گره ك ميزين بوشالدا. موشكول بوردادير كي فاجين آتايا شكي وار و بيليرآتانين آراسي دامبلدوريله ياخچي دير."
هري كي گيجه لميشدي دئدي: " ياخچي، بولارين پرسييه نه ربطي وار؟ "
_" اورادا يئتيشه جاييق، آتا فيكرائدير فاج بوايشي پرسيه وئرماقيله اوني بيزيم ودامبلدورون گودوكچيسي ائديب."
هري بالاجا بيرفيشقا چالدي.
_ " شرط ويريرام پرسينينده بوايشدن خوشي گلير."
رون يالاندان گولدي: " او چوخ آجيقلاندي و دئدي اياغين وزارتخانايا قوياندان آتانين پيس آديله گولشير، و بوكي آتا ايشينه چوخ علاقه نيشان وئرميردي و...، اوزون بيليسن كي... پولوموز يوخيدير... منظوروم... "
هري دئدي: " نمه نه؟ "
رون توتولموش سسيله دئدي: " هله بوندان پيسينده دئدي، او دئدي آتاسفئه دير ودامبلدور بو موشكوللري دوزتماقيله آتانيدا اوزوينن قويويا سالير و ايستيرهامي بيلسين كي او داها بو ائوين اهلي دئيل واولارين خيانتلرينده شريك اولانماز، اونا گورا وسايللرين ييغيشديردي و ائودن چيخدي، ايندي ده بوردا لندنده ياشير."
هري ديل دوداقينين آراسيندا بيريامان دئدي. او هميشه پرسيني رونون اوبيرسي قارداشلاريندان آز سويردي اما فيكر ائتميردي كي پرسي بوسوزلري اوز آتاسي آقاي ويزلييه دئسين.
رون دئدي: " آنا چوخ ناراحات اولدي، بيليسن كي، آغلاماق وبئلنچي ايشلر. اوپرسيله دانيشماقدان اوتور لندنه گلدي اما پرسي قاپيني اونون اوزونه باغلادي. بيلميرم او گده آتاني گورسه نئينيه جاق."
هري دئدي: " اما پرسي كي بيلير ولدمورت قاييديبدير، گره ك بيله كي آتاو آنان اوزلرين يالاندان خطره سالميرلار."
رون گيزليندن باخدي هري يه ودئدي: " سنينده آدين داعوادا آرايا گلدي، پرسي دئدي بيزيم مدركيميز سنين سوزلرينديرو... اوفيكرائديردي سنين سوزلرين ياخچي مدرك دئيل."
هرمايوني كنايه ايله دئدي: " پرسي ديلي پرافت گونده ليغين چوخ جدي توتار."
هاممي قورخوايله هرييه باخيرديلار. هري ده اولاراباخيب دئدي: " نه دن دانيشيسيز؟ "
هرمايوني كي اوزون ايتيرميشدي دئدي: " بيه سن ديلي پرافتي گونده اوخوموردون؟"
هري دئدي: " يوخ، فقط تيترلري اوخوردوم."
_ " آخي لازيم دئيلديرآخيره جان اوخوياسان، اولارگئچن هفته ايكي يول سندن آدآپارديلار."
_ " امامن گورمه ديم."
هرمايوني باشين ترپتدي ودئدي: " سن فقط بيرينجي صفحه لري اوخويوردون، اولارسندن بيرجوك كيمي آدآپاريرلار."
_" منظورون..."
هرمايوني كي اوزون گوجيله آرام ساخلاميشدي دئدي: " اولارين ايشي چوخ پيس ايدي، اونلار ريتا نين يولون گئديللر."
_ " اما اوكي داها يازمير، بيه يوخ؟"
هرمايوني دئدي: " يوخ، او اوز سوزينين اوستونده دوروب، اما او بويولون كوكون قويدي."
هري دئدي: " نه يولون؟ "
_ " ياديندا اويازميشدي كي سن هريئره گئديسن ياراوي اونابونا گورسه ديسن ودئيسن ياراوين يئري آغريير و بوجور سوزلر."
هري كي مومكون دئيلدير ريتااسكيترين يازيلارين ياددان چيخاردا دئدي: " ياخچي؟ "
هرمايوني تئز تئز دانيشيردي، ائله بيل سوزلرين ياواش دئسه هري آز حيرصله نر. دئدي: " اونلارايندي سنه گورا ائله يازيرلاركي ائله بيل سن ... سن بيريالانچيسان، بير يالان تراژدي قهرماني، اونلارخبرلرين آراسيندا هردن سنه ده توخوشورلار. بيرعجيب ايش اولاندا دئيرلربو هري پاترين دردينه ده ير، اگربيرنفرين باشينابيرايش گلسه دئيرلركاش آلنيندا يارا يئري قالماسين يوخسا گله جكده گره ك اوني پرستش ائداق! "
هري كي حيرصدن قيزيشميشدي دئدي: " امامن كي ايسته ميره م بيركس مني پرستش ائتسين."
هرمايوني كي قوخموشدي دئدي: " بيزبيليريق، اما بيلميسن كي نيليرلر، اونلارايستيرلر بيرايش گورسونلرهئچ كس سنين سوزيوي اينانماسين، من شرط ويريرام بوايشين داليسيندا فاج دوروب، اونلارايستيرلرسنين آديوي پيسه چيخاتسينلار."
هري تئزتئز دانيشيردي و آغزينين سويو يئره آتيليردي: " من كي بئله بيرزادايسته ميره م، من... ولدمورت منيم آتاميله آنامي اولدوردي. من بوناگورا آدچيخاتديم كي ولدمورت اولاري اولدوردي اما مني اولدورنمه دي، كيم ايستير بو قيمتيله آدليم اولسون؟ من آرزي ائديره م بوايشلرين هئچ بيريسي اولمايايدي و..."
جيني دئدي: " بيز بيليريق هري."
____________________________________________________________________________

مترجيم!: مهدي واحد

E-mail:mehdi_vahed2002@yahoo.com






Sunday, October 12, 2003

هريكشنبه بو ناغيلين يئني بولومون بو وبلاگدا اوخويا بيلرسينيز ____________________________________________________________________________________

گريمالدپليس______________________________________________________________________________________

هرمايوني تئزدئدي: "بيزبوائوين كيفيرليغلارين آرادان آپاريريق، بورانئچه يوزايل بوش قاليب وايندي هرجور قوردقوش ايسته سن بورداياشايير. بيزآشپزخاناايله ياتماق اوتاقلارين تميزله ميشيك وصاباح قوناق اوتاقينين...آخ"
ايكي تاراق سسيله رونون اكيز قارداشلاري، فرد ايله جرج، اوتاقين اورتاسيندا ظاهراولديلار. خرچال گئنه سس سالدي وگئتدي هدويگين يانيندا گنجه نين اوستونده اوتدي.
هرمايوني كي ديسگينميشدي اولارا دئدي:"بوايشلري گورميون"
جرج گوله گوله دئدي: "سلام هري، سنين گوزل سسيوي ائشيتديق گلديق." فرد ده كي گولوردي دئدي: "اصلا لازيم دئيل اوز آجيقيوي گيزله دسن، قوي هامميسي چيخسين اوزه، فيكرائليرم بو50كيلومترليغدا هله بيرايكي نفر قاليبدي كي سنين سسيوي ائشيتميه! "
هري قاش قاباقيله دئدي: "پس سيزده گيزلنماق امتحانيندان چيخديز هن؟ "
فرد كي اوزون بيرصورتي رنگده رشته الينه آلميشدي دئدي :" لاپ ياخچي نومره لريله."
رون دئدي: "اگربورا پياده گلسه ايديز 30ثانيه چكردي."
فرددئدي :" فضوللوق وقتيدير بالاجا داداش، هري سن قويمادين اولارين سوزلرين ياخچي ائشيداق... اوزانان قولاق." واورشته ني كي راهروواجان اوزانميشدي هري يه گورستدي دئدي: " بيزايستيريق بيلاق آشاغادانه خبرلروار."
رون دئدي: "گره ك چوخ احتياط ائده سيز، اگرآنا گئنه بيلسه..."
فرددئدي: " اولسون، ديرلي ايشدير، آشاغادا مهم ييغينجاق وار."
اوحالدا قاپي آچيلدي و((جيني)) آل رنگلي توكلريله اوتاقاگيردي وسويونجه ك دئدي: "سلام هري، نظريمه گلدي سنين سسين گلير." وفرد يله جرجا ساري چونوب دئدي: " داها اوقولاقلاريله بيرزاد ائشيتماق اولماز، آنا آشپزخانانين قاپيسينا سس سيزليك افسوني ايشله ديبدير."
جرج كي اومودون الدن وئرنلره اوخشاييردي دئدي:" هاردان بيلدين؟"
جيني دئدي: " تانكس منه دئدي نه جور بيله م، بيرشئي قاپييا آتاندا اگراونا ديمه سه نشان وئرير قاپيداسس سيزليك افسوني وار. من نئچه دانا قيغ بمبي! قاپيا آتديمك اما اولارين هئچ بيريسي قاپيا ديمه دي."
فرد بير آه چكيب دئدي: " گويلوم ايستيربيله م ((اسنيپ)) نه ايش گوروردي."
هري تئزسوروشدي: " اسنيپ؟ اودابوردا؟ "
جرج دقتيله قاپيني باغلادي وتختين اوستونده اوتوروب دئدي: " بلي، گليب بيرگيزلين گزارش وئره."
فرد قاش قاباقيله دئدي: " گده! "
هرميوني دئدي: " او ايندي بيزدندير."
رون دئدي: " اولسون، بوباعيث اولموركي او گده اولماسين. بيزه ائله باخير ائله بيل..."
جيني دئدي: " ((بيل)) ينده اوندان خوشي گلمير."
هرينين حيرصي هله سويوماميشدي اما ايستيردي اوزونون قاباقين آلا كي تازاخبرلرائشيده ودئدي: " ((بيل)) ده بوردا؟ من فيكرائليرديم مصرده ايشلير."
فرد دئدي: " اوايستيردي ايشي ميز داليسيندا اولسون اونا گورا گلدي بيزيم محفليميزه. دئير مصرين هرملريني گويلي ايستير! " وگوله گوله آرتيردي: " اما بوردا بير شئيلر واركي اوني مشغول ائدير."
_" منظورون نه دي؟ "
جرج دئدي: " فلور دلاكور ياديندا؟ انگليسي دانيشاندا هاممي گولردي..."
فرد اوني مسخره ائديب دئدي: " ايندي بيل اونا خصوصي جلسه قويوب وانگليسي درس وئرير."
جرج دئدي: " چارلي دا عضودير، اما هله رومانيدا. دامبلدورايستير خارجي جادوگرلرين اياقين محفله آچسين. چارلي دا بوايشه مشغولدير."
هري دئدي: " پرسي ائليه بيلمز كومك ائده؟ " هري نين آخيرخبري كي ويزلي لرين اوچونجو قارداشلاريندان وارايدي بويوديركي او بين المللي جادوگرلرين وزارتينده ايشلير.
ويزلي لرين هامميسي و هرمايوني بوسوزي ائشيدنده باخديلار بيربيرلرينه.
رون هيجانيله دئدي: " آتا وآنامين يانيندا پرسي دن دانيشما."
_ " نيه؟ "
فرد دئدي: " چون آتا اونون آدين ائشيدنده هرنمه نه الينه گلير سينديرير وآنا دا گوزياشي توكور."

جيني غصه ايله دئدي: " چوخ قورخمالي ايدي."
جرج مسخره قيافه ايله دئدي: " ياخچي اولدي اونون شريندن قورتولدوق."
هري دئدي: " نيه؟ نولوبدي؟ "

____________________________________________________________________________

مترجم!: مهدي واحد

E-mail: mehdi_vahed2002@yahoo.com





لوگو


گجيل سايتي :نه ايستير سينيز!!!؟؟

PDF فرموندا فصيل لر:

بيرينجي فصيل

ايكينجي فصيل

اوچونجي فصيل

دوردونجي فصيل

جناب مهران بهاري دان اوز گوركم وارايش لرينه خاطير تشكر اليريك.


آرشيو