Yalniz

    بو وئبلاگا خوش گليب سينيز....هري پاتر وققنوسون امري دستاني نين توركجه ترجمه سي

Saturday, October 04, 2003

گريمالدپليس
____________________________________________________________________________________

باشين قوزادي وگوردي اولاردااوناباخيرلار. اولارين باخيشيندان اوخوماق اولوردي كي هري نين بورفتارين قاباقجادان حدس ويرميشديلار.
رون دئدي:" بوسوزلري سنه دئماق ايچون بيز دامبلدورايله دانيشديق اما اونون باشي شلوغ ايدي. بورا گلندن ايكي يول اوني گورموشوق، اونون داوقتي يوخدير. فقط بيزي مجبورائتدي آندايچاق نامه لريميزده سنه بيرسوزيازميياق. آخي دئيردي مومكونديربايقوشلارين يولي تاپيلا واولار توتولالار."
هري دئدي: "اوايسته سه ايدي ائلييه بيلردي منه خبروئرسين، سيزكي ايسته ميسيزدييه سيزاونون بايقوشدان سورا آيري يولي يوخ ايدي؟ "
هرميوني باخدي رونون اوزونه ودئدي: " منده اونا فيكرائتديم، اما او ايسته ميردي... سن بيرشئي بيله سن."
هري اولارين اوزونه باخاباخادئدي: " شايدده منه اعتمادي يوخدي؟"
رون كي اوزون ايتيرميشدي دئدي:" سفئه اولما هري!"
_" يامنيم عرضه م يوخدير اوزومدن دفاع ائده م."
هرميوني دئدي:" يوخ، اوبوجور فيكر ائله مير."
هري نين سوزلري دال با دال گليردي وهركلمه سيله سسي اوجاليردي.
_ " نيه گره ك من دورسلي لرين ائوينده قالام وسيز بوردا هر ايشده شريك اولاسيز؟"
رون اونون سوزون كسدي ودئدي:" اوجوردا دئيل، آنام اجازه وئرمير بيزجلسه لرده اولاق، ديير بيزچوخ چيچيكيق."
اما هري بيردن قيشقيردي: "ياخچي، پس سيزين جلسه لرده شركتيزيوخدي، منه نه!؟ سيز بورداايديزكي، هن؟ باهم ايديزدا هن؟ من بيرآي دورسلي لرين ائوينده اسيرايديم، اوايشلري كي من بوراجان گورموشم، سيزين ايكيزين ايشلريزدن چوخدير. دامبلدوردا بوني بيلير. كيم جادو داشين تاپدي؟ كيم((ريدل)) ين شرين كسدي؟ كيم سيزي ايكي دانا(( دلي الي ين)) ين اليندن قورتاردي؟"
هري نين نمه نه بوبيرآيدا آجي فيكري وارايدي ايندي اوره گيندن چيخيردي. خبرسيزليقدان وتعقيب الونماقيندان چوخ حيرصلي ايدي. هدويگ اونون سسيندن قوخدي واوچدي گنجه نين باشينا. خرچال داقورخودان اوزوندن سس چيخارديردي.
_" كيم گره ك گئچن ايلكي گولوش اژداهالاردان وابولهوللاردان گئچه ايدي؟ كيم ايدي كي گوردي اوقاييديبدير؟ كيم اونون اليندن قاچدي؟ من! "
رونون آغيزي آچيق قالميشدي ودئماقاسوزي يوخودي. نظره گليردي هرميوني داايستير آغلاسين.
_"اصلآ من نيه گره ك بيله م كيم كيمه دير! نيه گره ك بيري اوزونه زحمت وئره منه دييه نه خبروار!"
هرميوني دئدي:" هري بيزايستيرديق سنه ديياق، دوغوردان ايستيرديق..."
_" اوقدركي امكاني وارايدي، يادا اگر دامبلدورسيزي آند وئرمه سه ايدي منه بيربايقوش..."
_" بلي، اوجوردي."
_ "من قارابخت دوردهفته پريوت درايودا اسيرايديم وخبرلري بيلماقدان اوتور آشغاللارين ايچيندن گونده ليك آختاريرديم ..."
_ " بيزايستيرديق..."
_ " فيكرائليرم بوردا بيريئره ييغيشاندا منه گولوردوز، هن؟"
_" يوخ، دوزون ايسته سن..."
هرميوني نين كي گوزلري ياشدان پاريلديردي دئدي:" هري بيزده ناراحاتيق، سن دوز دييسن، بوايش منيمده باشيما گلسه ايدي ائله بوبئله ناراحات اولارديم."
هري باخدي اونون اوزونه، هله چتينليغينان نفس چكيردي، اوزون چويوردي وقدم ويرماقاباشلادي . هئچ كس ديبنميردي وفقط هري نين اياقينين سسي گليردي. هري قيشقيردي: " ايندي بورا نمه نه دي؟ "
رون جواب وئردي: " ققنوس ييغينجاقينين فرماندهليق مركزي."
_ " بيرنفراوزونه زحمت وئرسين منه دئسين ققنوس ييغينجاقي..."
هرميوني تئز دئدي: " بوبير گيزلين ييغينجاقدير. دامبلدور بوراني يولا ساليب، بولار اوكسلرديلركي گئچن يول ((آدين آپارما)) ايله ويريشيبلار."
هري بيردن سوروشدي: " كيملرعضوديلر؟"
_" فقط نئچه نفر."
رون دئدي: " بيز ايگيرمي نفرين گورموشوق، امافيكر ائليرم اوندان چوخ اولالار."
هري باخدي اولارين اوزونه دئدي: " ياخچي؟"
رون دئدي: " ...ياخچي نمه نه؟"
هري آجيق ايله قيشقيردي: "ولدمورت! "
رون ايله هرميوني يئرلريندن آتيلديلار.
_" نه ايش گورور؟ نه نقشه سي وار؟ اونون قاباقيندا دورماق ايچون نه ايشلرگورونوب؟"
هرميوني كي عصبي اولموشدي دئدي: " بيزكي سنه دئديك، آنا قويمور جلسه لرده شركتيميزاولسون، جزئياتدان خبريميز يوخدير." اوهري نين باخيشين گورنده تئزدئدي: " بيزفقط حدس ويريريق."
رون دئدي: " ((جورج)) ايله((فرد)) اوزانان قولاغ دوزه لديبلر، بيليسن، اولارچوخ فايداليديلار."
_ " نمه نه قولاغي!؟"
_ " اوزانان قولاغ، اما تازاليقدا مجبوراولموشوق اولاري ايشلتمياق. چون آنا بيلدي وچوخ ناراحات اولدي، جورج ايله فرد مجبوراولدولار اولاري گيزله دلر، اما آنابيلمه ميشده ن قاباق اولاردان ياخچي استفاده ائله ديك، بيزبيليريق كي عضولرين بعضي سي تانينميش اولوم يييه ن لري تعقيب ائديللر واولاري گودوللر."
هرميوني دئدي: " عضولرين بعضي سيده تازاعضوتاپماقا چاليشيرلار."
رون دئدي: " نئچه سيده بير شئيي قورويورلار .اولارهميشه حفاظت وظيفه سيندن دانيشيرلار."
هري كنايه ايله دئدي: " شايد اوشئي منم، امكاني يوخدي؟"
رون كي ائله بيل ايندي متوجه اولوب دئدي: " پئه... دوزدييسن ها!"
هري گئنه يئريماقاباشلادي و رون ايله هرميونيدان سونرا هرزاداباخيردي. سوروشدي: " ياخچي پس اگرسيزجلسه لرده شركت ائتميسيز به بوردا نه ايش گوروسوز؟ "
____________________________________________________________________________

مترجم!= مهدي واحد

E-mail:mehdi_vahed2002@yahoo.com





لوگو


گجيل سايتي :نه ايستير سينيز!!!؟؟

PDF فرموندا فصيل لر:

بيرينجي فصيل

ايكينجي فصيل

اوچونجي فصيل

دوردونجي فصيل

جناب مهران بهاري دان اوز گوركم وارايش لرينه خاطير تشكر اليريك.


آرشيو