Yalniz

    بو وئبلاگا خوش گليب سينيز....هري پاتر وققنوسون امري دستاني نين توركجه ترجمه سي

Thursday, September 04, 2003

خيريلدييا خيريلدييا دئدي:" مطمئنسن اوزودي لوپين؟ چوخ پيس اولاربيزبيردانا ((اولوم يييه ن)) اوزوموزونن آپاراق! گره ك بير سوزسوروشاق كي فقط دوغري پاتر اوني بيلير. دئميره م بيري((وريتاسروم))(1) اوزوينن گتيميش اولا."

لوپين سوروشدي:"هري سنين ((پاترونوس))(2) ون نه شكلده دي؟"

هري اوزون ايتيرميشدي، اما دئدي:"بيراركك گوزن."

لوپين دئدي:"اوزودي مد_آي"

هاممي هري يه باخيردي و هري اوناگورا ناراحات ايدي، پله لردن اشاغا يئندي وعصاسين قويدي شالوارينين دالي جيبينه.

مودي قيشقيردي:"اوغول عصاوي اوراقويما، اوت توتسا نينه رسن؟ سننن يئكه جادوگرلر بوايشدن اوتوراوتوراق يئرلرين الدن وئريبلر!"

بنفش توكلي آرواد علاقه ينن(( مودي)) دان سوروشدي:"كيمي تانيسان كي داليسين الدن وئريب؟"

مودي دئدي:"او مهم دئيل، فقط عصاوي اوراقويما، بوعصانين امنيتينين بيرينجي شرط ايدي. بوگونلرهئچ كس اوني سايمير."

بنفش توكلي آروادگوزلرين توتدي سقفه وآغيزين آچدي، مودي كي آغيرليغينان آشپزخاناياگئديردي دئدي:"بو ايشيوي گوردوم!"

لوپين الين اوزاتدي كي هرينن ال وئره، دقتينن باخدي هري يه وسوروشدي:"نه جورسن؟"

_... ياخچييام.

هري گوردوقلارين اينانميردي. بو دورد هفته ده هئچ نيشان يوخويدي كي اوني ((پريوت درايو)) دان چيخاتماغا گورا بير نقشه واراما ايندي بير اووج جادوگر حقلي قيافه لرينن اونون يانينا گليبلر! ائله بي كي بو نقشه قاباقجادان چكيليبدي.

هري باخيردي ((لوپين)) ين يانينداكيلارا. اولار گئنه هري يه باخيرديلار و هري كي دورد گونويدي باشين داراماميشدي عذاب چكيردي.

هري دئدي:"من... سيز چوخ شانسلي سيز كي ((دورسلي)) لرائوده دئيللر."

بنفش توكلي آرواد دئدي:" شانسلي؟ هه! من اولاري آللاتديم كي بوگئجه ائوده اولماسينلار... من اولارا ((موگل)) لرين ((پست)) ينان بيرنامه يوللاديم و اولارا دئديم كي سيزين چمنلريز، انگليسين شهرلرينين حومه سينين چمن مسابقه لرينده اول چيخيبدي! ايندي اولار گئديللر جايزه لرين آلالار! ... اوزلري كي اوجورفيكر ائليللر!"

ورنونون قيافه سي اونداكي بيلسيدي بئله بيرمسابقه اصلآ يوخدي هري نين گوزونون قاباقيننان گئچدي و سوروشدي:" بيز بوردان گئديريق؟ بيه يوخ؟ تئزگئديريق؟"

لوپين دئدي:" بلي، ائله ايندي. فقط خطرين اولماماسينين علامتين گوزلوروق."

هري اوميدينن دئدي:" هارا گئديريق؟ پناهگاه؟"

لوپين كي هري ني آشپزخانايا گوندريردي دئدي:" يوخ، پناهگاه يوخ."

جادوگرلركي هله گئنه هري يه باخيرديلار اولارين داليسيجان گليرديلر.(("اورانين خطري چوخدي، بيزبير فرمان وئره ن مركزجورله ميشيق كي يئري گيزلين ساخلانيلير. بيرآزوقت توتدي اما قوتولدي."))

مودي مد_آي آشپزخانا ميزينين يانيندا اوتدي و بيرال(( فلاسك)) ين باشيناچكدي. جادوئي گوزي هرطرفه فيزلانيردي و((دورسلي)) لرين ائو وسايلين نظره ساليردي. لوپين مودييه اشاره ائلييب دئدي:"بو ((الستور مودي)) دي"

بوكي ائله بيركيشينن تانيش اولوردي كي فيكرائليردي بيرايل دي اونو تانيير هري يه عجيب گليردي.

"وبودا((نيمفادورا ...))"

جوان ساحره دئدي:"مني نيمفادورا سسله مه ريموس! منيم آديم ((تانكس)) دي."

لوپين اونون سوزون كاميل له تدي:"((نيمفادورا تانكس)) كي سويور فقط بويوك آدينان تانينسين."

تانكس دئدي:"اگر بير قانمازآنا سنين ده آديوي قويسايدي ((نيمفادورا))، ائله بوايشي گوره ردين!"

"وبودا((كينگزلي شكل بت))." واوجا بويلي قاراجادوگري گورستدي. قاراجادوگر هري يه تعظيم ائله دي.

خس خس سسلي جادوگر باشين ايدي ودئدي:"((الفياس دوج))" و اوبيرسي كي نظره احساساتي گليردي واوجا سيلندر بوركي باشيندان توشموشدي دئدي:"((ددالوس ديگل))، بيزقاباقجان بيربيريميزي گورموشدوق."

وقارلي بيرساحره كي گوي شالي وارايدي باشين ايدي دئدي:" املاين ونس"

انگي دوردگوشه لي جادوگركي توكلري سامان رنگينده ديدي بيرگوز ويريب دئدي:"ستورجيس پادمور"

اوزي قيرميزي وقاراتوكلي بيرساحره توسترين كناريندان الين قوزويوب دئدي:"هستيا جونز"

هري ناشيليغينان تانينانلارا باشين اييردي وآرزيليردي كي اولار گوزلرين هري دن گوتوروب وآيري بيرشي يه باخسينلار! ائله احساس ائليردي كي ائله بي خبرسيز اوني تئاتر((سن)) ي اوستونه چيخارديبلار!

همده تعجب ائليردي كي نييه بوبئله جادوگر بورا يوللانيبلار؟ بو ايشي بيرنفرده گوره بيله ردي وبوبئله آدام لازيم دئيلدي.

لوپين كي ائله بي هري نين فيكرين اوخودي دئدي:" اوجادوگرلرين ساييسي كي سني گتيماقدان اوتور داوطلب اولدولار چوخ چوخ ايدي." ودوداقلارينين گوشه سين گويه طرف ماييل ائله دي.

مودي دئدي: " نه قده ر چوخ اوبئله ياخچي، بيزسنين قوروقچووق پاتر."

لوپين پنجره دن ائشييه باخيب دئدي:" بيز خطرين اولماسينين علامتين گوزلوروق، اون بئش دقيقه وقتيميزواردي."

اوساحره كي ((تانكس)) آدلانيردي علاقه ينن آشپزخانايا باخيردي، دئدي:" بو((موگل)) لرچوخ تميزديلر، بيه يوخ؟ منيم آتامين ياريسي ((موگل)) ايدي، اما چوخ پينتي ايدي، فيكرائليرم تميزليك ((موگل)) لرده فرق ائلير!

هري دئدي:"بلي، اوجوردي" وچوندي لوپينه دئدي:" نه خبر؟ چوخداندي اوندان بيرخبر ائشيتمه ميشم، ول...

جادوگرلرينن ساحره لر دئديلر"هيس!". ((ددالوس ديگل)) ين بوركي گئنه باشيندان توشدي و مودي دئدي:" دينمه"

هري دئدي:"نييه؟"

مودي معمولي گوزون هري يه طرف فيرلاتدي ودئدي: "بوردا هئچ زاددان دانيشميياجاقيخ، خطري وار." وسوراحيرصينن دئدي:" اوزماندان كي اوكثافت گوزومي مندن اوغورلويوب تئزتئز گيرائليير." وسورا بيرپيس سسينن ال آتيب گوزون چيخاتدي.

تانكس دئدي:" مد-آي ، بيليسن كي بوايش آدامين اوره گين بولانديرير."

مودي هري يه دئدي:" منه بيرليوان سو گتيريسن هري؟

هري جادوگرلرين آغيرباخيشلارينين آلتيندا آشپزخانايا گئديب وبيرليوان سو دولدوروب مودي يه وئردي. جادوگرلرين باخيشلاريندان يورولموشدي.

مودي جادويي گوزون سالدي سووا واوني چالخالادي، گوزسويون ايچينده ويژويژ ائلييه ائلييه فيرلانيردي واولارا باخيردي.

" قييدنده 360 درجه باخيش ايستيره م."

هري سوروشدي:"اوراكي دئيسيز گئده جاقيخ، نه جور گئده جاقيخ؟"

لوپين دئدي:" سوپورگه ينن. آيري يولوموزيوخدي. سن غيب وظاهيراولماقا چوخ جوانسان و((فلو))(3) شبكه سي ده گوزآلتيندا ياتيب. بير((پورتكي))(4) يولاسالماق دا بيزه چوخ باها باشا گله ر.

((كينگزلي شكل بت)) دئدي:" هري، ريموس دئيرسن ياخچي سوپورگه سور نسن."

لوپين كي ساعاتينا باخيردي دئدي:"بلي، ياخچي دي. هري گئت وسايليوي ييغ، علامت يئتيشنده گره ك يولا توشاق."

تانكس شوقونان دئدي:" منده سنه كومك ائله رم. " وتوشدي هري نين داليسينا وپله لردن چيخديلار.

او دئدي:" بورا گولمه لي يئردي . چوخ تميزدي. بيليسن منظوروم نه دي؟ آججا غيرطبيعي دي." هري نين اتاقينا يئتيشنده هري چيراغي يانديردي وتانكس دئدي:"آهان، ايندي ياخچي لاشدي!"

هري نين اتاقي اوبيرسي اتاقلارا گورا قاريشيقيدي. هري بو دوردگوني كي اتاقدا اوزون زنداني ائله ميشدي اتاقين ائله اوجور ولله ميشدي. كتابلاري يئره داغيلميشدي، هدويگين قفسي كيفيرايدي وايي توتموشدي، صندوق آچيق قالميشدي وموگل پالتارلارينان جادويي پالتارلاري يئرده بيربيرينه قاتيشميشديلار.

هري تئزكيتابلاري ييغدي وصندوقا قويدي. تانكس داهري نين آيناسينين قاباقيندا دورموشدي واوزونه باخيردي.

او كي بيزبيز توكلرينن اوينويوردي فيكر ائلييه ائلييه دئدي:" من فيكر ائليرم بنفش رنگي منه ياراشمير، مني توكولموش گورسه دير، هن؟"

هري بريتانيا و ايرلندين كوئيديچ كيتابلارينين اوستوندن اونا باخيب دئدي:" م..."

تانكس كي ائله بي تصميمين توتموشدي دئدي:" نييه، اوجوردي" وگوزلرين گويه طرف فيرلاتدي، ائله بي زورويريردي بير شي يادينا توشسون، نئچه ثانيه دن سورا اونون توكلري صورتي رنگينه چوندي.

هري كي تعجبدان آغيزي آچيق قالميشدي دئدي:" نه جوربو ايشي گوردون؟"

تانكس كي هله آينايا باخيردي دئدي:"من بير((نئچه اوزلي)) (5) ساحرم." اوگوردي كي هري گئنه باش تاپمييب دئدي: "ياني كي من ائلييه بيللم نه وقت ايسته سم اوز قيافه مي چووره م. من آنادان اولاننام بوجورام. اوزمان كي ((آئورو))(6) دوره سين گئچيرديرديم، گيزلنماق و اوزي دييشماق درسلرينده لاپ ياخچي راق نمره لري آلارديم. نه گونلريدي!"

هري يه كي اونون سوزلري اثر ائله ميشدي دئدي:" پس سيز((آئورو)) سوز؟ " ، قاراجادوگرلري شيكارائله ماق هري نين سوگولي ايش ايدي كي ايستيردي هاگوارتزدان قوتولاندان سورا اونا مشغول اولسون.

تانكس غرورونان دئدي:" بلي، كينگزلي ده وار. او مندن بويوكدي. من گئچن ايل مدرك آلديم، آزقالميشدي ياواش يئريماقدا و تعقيب ائله ماق درسلرينده توشم! آخي من ال اياقسيزام! گوردون نه جور بورا يئتيشنده او بشقابي سينديرديم؟".

هري كي وسايلينين ييغماقين ياددان چيخاتميشدي سوروشدي: " آدام ائلييه بيلر ايكي اوزلي ساحراولماقي اورگشه؟".

تانكس گولومسوندي:" شرط ويريرام ايستيسن او ياراوي گيزله ده سن، يوخ؟ " وگوزلري هري نين اوزونده كي يارانين داليسينا توشدي.

هري مزيلدادي:"پيس اولماز" واونا داليسين چووردي، هري سويمزدي كي بيركس اونون ياراسينا گوز تيكسين.

تانكس دئدي:" سنه متاسفم، سن مجبورسان چتين يولدان گئده سن، ايكي اوزلي لر چوخ آزديلار. اولار آنادان اولاننان اوجوردولار و ايشلري اورگشمه لي دئيل. جادوگرلرين چوخي قيافه لرين دييشماق دان اوتور مجبوردولار عصالاريندان يا بير معجوننان استفاده ائله سينلر. اما ايندي گره ك گئداق، مثلآ گلميشديق سنين وسايليوي ييغاخ!"

هري كي نئچه كيتاب گوتوموشدي دئدي:" بلي، ائله بي"

تانكس دئدي:" سفئه اولما، اگرقويسان من ييغام چوخ تئز قوتولار." وعصاسين سوپورگه كيمين اتاقين كفينه توتدي. كيتابلار، پالتارلار و تلسكوپونان ترازو قالخديلار گويه و گيرديلر صندوقا. تانكس گئتدي صندوقون يانينا ودئدي:" ياخچي ييغيلمييبلار، آنامين بو استعدادي وارايدي كي بير ايش گوره ردي هر شي اوز يئرينده اولسون. اما من هئچ وقت اونا تاي اولماديم. و گئنه عصاسين ترپتدي ، هري نين جورابلارينين بيري بالاجا ترپشدي اما گئنه توشدي صندوقون ايچينه.

تانكس صندوقون قاپيسين باغلادي و دئدي:" ياخچي، هله هر نمه نه ني گوتدوق، بيرآزتميزليكده پيس دئيل" و عصاسين هدويگين چپرينه توتدي ودئدي:"((سكورجيفاي!))". قانادلارينان كثافتلر آرادان گئتدي . " هن، ايندي ياخچي اولدي، من هئچ وقت بو ائو ايشلرينين وردلرين ياخچي اورگشمه ديم. ياخچي هر نمه نه ني گوتدون؟ پاتيل، سوپورگه ... اوه! بير آذرخش؟"

هرينين سوپورگه سينين دسته سين گورجاق گوزلري گيرده لندي، او هري نين افتخاري ساييليردي، بير بين المللي استانداردي اولان سوپورگه نين دسته سي كي ((سيريوس)) دان هديه ايدي.

تانكس دئدي:" من هله بيردانا 260 ا مينيرم، ياخچي عصان شالواريندا؟ يانچاقلاريوين ايكيسيده يئرينده؟ اوكي! گه گئداق. لوكوموتورترانك!

_____________________________________________________________________________________

آدلامالار:

1) وريتا سروم: دوغروني سئچماق معجوني، بير نفرين اسرارين بيلماقدان اوتور اوچ دامجي اوندان گورر.

2) پاترونوس: بيرمحافظ سپركي همان آددا بير وردي وار((دلي الي ين)) لرين قاباقين آلماق اوچون. بو وردين شكلي جادوگرلر آراسيندا فرقلي دير.

3) فلو شبكه سي: اوجاقلارينان شومينه لرين شبكه سي كي جادوگرلر بير مخصوص پودري ايشلتماقينان اولارين آراسيندا گل گئت ائله للر.

4) پورتكي: بير جادويي وسيله كي غيب و ظاهر اولماق اوچون ايشله نرو((موگل)) لرين وسايلينين شكلينده اولار.

5) نئچه اوزلي جادوگر: بير جادوگركي ائلييه بيلرنه وقت ايسته سه قيافه سين چووره.

6) آئورور: قارا جادوگرلرين شيكارچيسي.

_____________________________________________________________________________________

مترجم!: مهدي واحد

E_mail:mehdi_vahed2002@yahoo.com





لوگو


گجيل سايتي :نه ايستير سينيز!!!؟؟

PDF فرموندا فصيل لر:

بيرينجي فصيل

ايكينجي فصيل

اوچونجي فصيل

دوردونجي فصيل

جناب مهران بهاري دان اوز گوركم وارايش لرينه خاطير تشكر اليريك.


آرشيو