Yalniz

    بو وئبلاگا خوش گليب سينيز....هري پاتر وققنوسون امري دستاني نين توركجه ترجمه سي

Wednesday, August 27, 2003

اوچونجي فصيل --بيرينجي بولوم
نئچه لحظه بوننان قاباق ((دلي الي ين)) لر منه حمله ائديبلروامكاني وار((هاگوارتز)) دان اخراج اولام، ايشلر چوخ قاريشميشدي، گوره سن نه وقت ايشلر دوزه له جاق؟

هري قارانليق اتاقينا يئتيشجاق بوسوزلري اوچ دانا كاغاذا يازدي ، بيري ((سيريوس))ا ايكينجي سي ((رون)) ا واوچومونجون ده((هرميوني)) يه، بايقوشي گئتميشدي شيكارا ويوواسي بوشويدي و هري اتاقيندا قدم ويراويرا اونو گوزلوردي. باشي آغريردي وگوزلري يورقون لوقدان قاشينيردي! اما فيكري ائله قاريشيق ايدي كي ياتا بيلميردي. اوبئله يول دادلي ني چيگنينه آليب گتيميشدي و ايندي بئلي سانجي ائليردي. باشيندا دا ايكي دانا شيشيه وارايدي، بيري پنجره يه ديميشدي واوبيرسي ده دادلي نين يوموروقونون يئري ايدي.

هم حيرص لي ايدي هم اومودسوز، ديشلرين قيسيردي واللرين يوموروقلاميشدي. هريول كي پنجره قاباقينا يئتيشيردي آجيقلي باخيشينان اولدوزسوز گويه باخيردي.

بو بئله ((دلي الي ين)) كي اوني توتماق اوچون گونده ريليبلر، ((هاگوارتز)) دان اخراج اولماقا ياخين اولونماسي، وسحروزارتينين تحقيقلري، نيه هئچ كس سوزون دوزون اونا دئميري؟ اوقيشقيران نامه نيه گونده رينيلميشدي و كيمين سس ايدي كي او بئله قورخمالي آشپزخانا دا گومبولدادي؟ نيه هئچ زاددان خبري يوخويدي و نيه هامي اونا بيرشريلي اوشاق كيمين باخيرديلار؟ دا جادو ائله مه... ائوده قال...

مدرسه سينين صندوقونون قاباقيننان گئچنده اونا بير تپيه ويردي كي باعث اولدي بارماقلاري اينجييه واونون بدنينين دردلرينه آيري بيردرد آرتيلسين! اوحالدا كي هري آخسيا آخسيا پنجره دن اوزاقلاشيردي، ((هدويگ)) بير شبح كيمين ياواش اتاقا گيردي و آرام قوندي چپرينين اوستونه.

هري دئدي: ياخچي وقت يئتيشدين، اونو قوي يئره، سن نن ايشيم وار.((هدويگ)) ين بويوك گوزلري بيرقورباغانين اوستونن كي ديمديگينن آسلانميسدي هري يه خيره لندي. هري دئدي: گل بورا، واوچ دانا دري دن اولان كاغاذي باغلادي بايقوشونون اياقينا.

_ بولاري يئتير سيريوس، رون و هرميوني يا. و اووقته جان كي بيردوز جواب آلمييبسان قييتمه، اگرلازم اولسا او قده ر اولاري ديمديكله كي اوزون و دوز جواب يوللاسينلار، بيلدين؟

((هدويگ)) كي هله قورباغاني ديمديگينده ساخلاميشدي اوجا بير هو سسي چيخاتدي.

_ پس توش يولا.

بايقوش قانادلاندي. او گئدن نن سورا هري ائله پالتارلي اوزون آتدي تختينين اوستونه اتاقين سقفينه گوز تيكدي. احساس ائليردي ((هدويگ)) ينن چوخ پيس دانيشدي. ((پريوت درايو)) دا فقط ((هدويگ)) اونون يولداشي ساييليردي. اونداكي اوزون جوابلارينان سيريوس ، رون وهرميوني نين يانيننان قييده، گره ك بو رفتارين جبران ائله سين.

اولارحتما تئزجواب وئره جاقلار، ((دلي الي ين)) حمله سين ائليه بيلمزلر سايمييالار. حتما صاباح سحريوخودان دوراندا اوچ دانا بويوك نامه كي هري يه اوره ك وئره و اولاردا اونون بوردان چيخماقينا گورا نقشه لر اولا هري نين انتظاريندا! بوگوزل فيكرلرينن يوخويا گتدي وهر نمه نه ني ياددان چيخاتدي.

اما ((هدويگ)) سحرچاغي قييتمه دي. اوگون هري اوزاتاقيندا قالدي وائشييه چيخمادي. خالاسي اوچ يول اوبالاجا دليه دن كي ورنون اوچ ايل بوننان قاباق ديواردا آچميشدي اونا غذا گتدي. هري هريول ايسته دي اونامه يه گورا اوننان سوال سوروشا اما امكاني يوخودي خالاسي اونا جواب وئره. ((دورسلي)) لراونون اتاقيننان اوزاق گزيرديلرو هري ده ايسته ميردي اوزون زورونان اولارين باشينا سالا. اگرده اولارين يانينا گئتسيدي گئنه امكاني وارايدي حيرص له نه و بيرآيري جادو ائليه و ايشلري لاپ قاتا.

اوچ گون گئچدي. هري اوزاتاقيندا حيرصينن يئرييردي و اوكسلره كي اوني بو حالدا تك قويوبلار فيكرائليردي ، هردن ده اوزانيردي تختينين اوستونه ودادگاه جلسه سينه فيكرائليردي.

اولميا اونون عليه اينه راي وئره لر؟ اولميا اوني اخراج ائلييب و عصاسين آرادان سينديرالا؟ اوندا نينردي؟ هارا گئدردي؟ اوكي ائليه مزدي گله هميشه ليك ((دورسلي)) لرين يانيندا قالا... يوخ، ايندي كي جادو دونياسين بو بئله تانيردي ائليه مزدي. امكاني وارايدي اوجوركي ((سيريوس)) گئچن ايل كي وزارتين الينن قاچدي هري يه دئميشدي، گئده اونون يانيندا قالا ، اما هري يه اجازه وئره رديلر كي قانوني سنه يئتيشمه ميش اوردا تك قالا؟ يا دا اونون گله جكينه گورا سورا تصميم توتاجاقلار؟ ويا شايد بوايش كي بين المللي جادوني گيزلين ساخلاماق قانونون اياق آلتينا قويوب ائله بويوك اولا كي هري ني ((آزكابان))ا يوللويالار؟ بونا فيكر ائليه نده تختينن آتيلدي و يئريماقا باشلادي.

دوردومونجي گئجه ايدي كي ((هدويگ)) گئتميشدي، هري اوزانميشدي تختينين اوستونه كي ورنون گيردي اتاقا، هري باخيردي دوروبرينه. ورنون لاپ ياخچي راق پالتارلارين گييميشدي و اوزونده غرور گورسنيردي. دئدي:

بيز گئديريق ائشييه.

_ نمه نه؟

_ بيز ياني من و خالان ودادلي گئديريق ائشييه.

هري حالسيز دئدي: ياخچي. وگئنه باخدي سقفه.

_ بيزائشيه ده اولاندا حقين يوخدي اتاقيننان ائشييه چيخاسان.

_ ياخچي.

_ حقين يوخدي تلويزيون، راديوويا آيري بير شي يه ال ديه سن.

_ ياخچي.

_ حقين يوخدي يخچال دان غذا اوغورلوياسان.

_ ياخچي.

_ ايستيرم اتاقيوين قاپيسين قفيلييام .

_ اولسون.

ورنون كي هري نين ديل به ديل دئمه ماقيننان تعجب ائله ميشدي باخدي هري يه و اتاقدان چيخدي وقاپي ني دا باغلادي. ورنونون اياقلارينين سسي كي پله لردن انيردي گليردي. نئچه دقيقه دن سورا ماشينين قاپيلارينين سسي و سورا اونون ايشله ماقي و يولا توشماقينين سسي ده گلدي.

هري اوزانميشدي. اونا فرق ائله ميردي كي ((دورسلي)) لرائوده ديلر يايوخ.

بيردن آشپزخانا دان بيرسينماق سسي گلدي. هري يئرينن آتيلدي ودقتينن قولاق آسدي. ((دورسلي)) لرين قييتماقينا چوخ تئزايدي، هئچ اولارين ماشينينين سسينده ائشيتمه ميشدي. نئچه ثانيه سس سيزليق اولدي اما سورادانيشماق سسي گلدي ، هري تخت اوستونن دوردي، فيكرائليردي اوغري گليبدي اما اوغري بئله سس سالماز، پس بو سس نمه نه سس ايدي؟

عصاسين تخت اوستونن گوتدي وقولاق آسدي. هري نين اتاقينين قاپيسينين قفلي آچيلدي وهري يئرينن آتيلدي ودوزدوروب باخدي قاپييا. هئچ سس گلميردي، اوره گي تاپ تاپ ائليردي، تئزاتاقدان چيخدي و((هال))ا طرف قاچدي.

سگگيز دوققوز نفركي ائشيين ايشيقي اولارين كولگه سين ديوارا سالميشدي هري يه باخيرديلار!

بيرنفرياواش دئدي: بيرينين گوزون چيخاتميينجان او عصاني سال يئره اوغلان!

هري نين اوره گي تيتيره دي، اوسسي تانيردي اما عصاني اشاغا گتيمه دي وايكي اوره كلي دئدي:

پروفسور مودي؟

_ پروفسوركيمدي. من كي هئچ وقت ائليه مه ديم درس وئره م. بيه يوخ؟ گه قاباقا ايستيرم سني ياخچي گوره م.

هري عصاني گتدي اشاغا اما هله محكم الينده ساخلاميشدي. يئرينن ترپشمه دي. حقي وارايدي كي هرنمه نه يه شك ائله سين! اوقاباق جان دوققوزآي بيرنفرينن يولداش ايدي وفيكرائليردي ((مودي)) دي اما سورابيلدي او((مودي)) ديي وبيريالانچي و بورك قويان بيرجادوگردي. اوننان قاباق كي هري فيكرائليه نه ايش گوره بيرآيري سس كي اول كي نن قالين ايدي دئدي:

هري هئچ موشكول يوخدي، گلميشيق سني آپاراق.

هري نين اوره گي توكولدي، بوسسي ده تانيردي امابير ايلدن چوخويدي كي اوني ائشيتمه ميشدي. اينانميااينانميا دئدي:

پروفسور لوپين؟ سيزسيز؟

اوچومونجي سس دئدي: بيزنيه قارانليق دا دورموشوق؟

اوبيرآرواد سس ايدي كي هري تانيميردي...((لوموس)).

بيرعصانين اوجي اوتداندي و هال ايشيقلاندي. پله ده دورانلارهري يه خيره لنميشديلر.

((ريموس لوپين)) هاميدان اونا ياخين ايدي، هله گئنه جوان ايدي اما يورقون نظره گليردي. قاباق كي گوروشه گوره باشينين آغ توكلري چوخالميشدي و اينينده كي ((ردا)) دا كهنه لميشدي. اوباخدي هري يه وگولدي وهري ده اونا گولومسوندي.

اوساحره كي ايشيق سپه ن عصاني الينده ساخلاميشدي دئدي: ائله دوزاوجوردوكي فيكر ائليرديم. هري نين نظرينه او هاميسننان جوان ايدي. قاراگوزلري پاريلديردي و توكلري بيزبيز ايدي وبنفش رنگي وارايدي.((سني گورماقدان اوتور سويوندوم هري)).

بيرقارا كئچل جادوگر كي هاميدان دالدا دورموشدي دئدي:(( ايندي بيلديم منظورون نه دي ((ريموس))، دوز ائله بي ((جيمز)) دي)). اوجادوگرين درين سسي وارايدي وقولاقينا قيزيل حلقه سالميشدي.

آيري بيرجادوگركي گوموش رنگي لي توكلري وارايدي دالدان دئدي: گوزلرينن سورا، گوزلري((لي لي)) نين گوزلري دي.

((مودي مد_آي)) كي اوزون بوز رنگلي توكلري وارايدي و بورنونون بيرتيكه سي قوپموشدي ، شكينن هري يه باخيردي.

گوزلري نين بيري قارا بالاجاوپاريلدييان ايدي ، اما اوبيرسي گيرده و گوي ايدي، همان جادويي گوزكي قاپيلارين داليسين و ((مودي)) نين داليسين گوره بيلردي!

_____________________________________________________________________________________

مترجم!:مهدي واحد

E_mail:mehdi_vahed2002@yahoo.com






Tuesday, August 26, 2003

هري پاتر وققنوسون امري دستاني نين
بيرينجي
و ايكينجي
فصيل لري حاضير لنيب لر(
PDF فرمون دا ).....دانلود الي
يون....


جناب
مهران بهاري 
دان ، اوز گوركم  ويرايش لرينه خاطير تشكر الي روق.








لوگو


گجيل سايتي :نه ايستير سينيز!!!؟؟

PDF فرموندا فصيل لر:

بيرينجي فصيل

ايكينجي فصيل

اوچونجي فصيل

دوردونجي فصيل

جناب مهران بهاري دان اوز گوركم وارايش لرينه خاطير تشكر اليريك.


آرشيو