Yalniz

    بو وئبلاگا خوش گليب سينيز....هري پاتر وققنوسون امري دستاني نين توركجه ترجمه سي

Wednesday, August 13, 2003

هري دئدي: نمه نه؟

خانم ((فيگ)) دئدي: اوگئتدي، گئتدي كي او((پاتيل)) بسته سي نن كي سوپورگه نين داليسينان دوشموشدي ، بير

نفرينن دانيشسين واونو آلسين، اونادئميشديم گئتمه، ديري ديري دري سين سوياجاغام . اما سني تانري باخ!

((دلي الي ين)) ! گئنه شانس گتديم كي آقاي ((تيبلس)) ي بوايشين اوستونه قويموشدوم. تئزاول! گره ك بوردان

گئداخ ، من گره ك سيزي يئتيرم ائويزه ، اوني اولدوره جاغام!

بوكي هري نين قوجا قونشوسي بيليردي ((دلي الي ين)) لرنمه نه ديلر، قورخوسي ايكي دانا ((دلي الي ين)) نين

كوچه ده گورولماقيننان آزدئيردي!

هري سوروشدي: سيز ساحره سيز؟

ــ يوخ، من((فشفشه)) يم ، ((موندانگوس)) دا بو بيليردي، آخي من نه جورائليه بيلرديم سنه كومك ائلييم كي

اولارينان چيرپيشاسان؟ اودا دوزاووقت كي اونا دئميشديم سني ...

ــ دوز، پس ((موندانكوس)) بو بئله وقتي مني گوزه تليردي؟ پس اويودي كي ائميزين قاباقيندا غيب اولدي؟

((فيگ)) اوزون ايتيردي ودئدي: بلي، بلي، اما من((تيبلس)) ي ماشينين آلتيندا قويموشدوم ، اوگلدي هرزادي

منه دئدي، اما من سيزين ائوه يئتيشنده سن گئتميشدين، ايندي ده كي... واي ... ((دامبلدور)) منه نه دييه جاق؟

((فيگ)) گئتدي دادلي يا ساري وقيشقيردي: ((هي سن، تئز اوزووي قالخيزگوروم.))

هري اونا خيره لندي دئدي: سيز((دامبلدور)) ي تانيسيز؟

ــ بلي كي تانيرام. كيم واركي اوني تانيمييا ؟ ايندي تئزاول ، اگراولار قييتسه لرمن سنه كومك ائليه مه رم ، منيم

لاپ بويوك راق جادوم بيرچاي كيسه سينين شكلين دييشماق دي!

((فيگ)) اييلدي و دادلي نين پوتا الينن ياپيشدي وايستيردي اوني قالخيزسين.

ــ دور اياقا ، قورخاق دور...

دادلي ائليه نميردي ويا ايسته ميردي ترپشسين، رنگي قارالميشدي وتيتيريه تيتيريه لاغزين يومموشدي.

هري دئدي: من اونو گتيررم ، وياپيشدي دادلي نين الينن وزحمت ايلن اونو قالخيزدي. ائله بي دادلي غش ائله

ميشدي وائليه بولموردي اوز آياقينين اوستونده دورسون.

((فيگ)) دئدي: تئز اول!

هري دادلي نين الين سالدي بوينونا واونو خياوانا طرف چكدي.

((ويسترياواش)) ا يئتيشنده ((فيگ)) هري يه دئدي: عصاوي الينده ساخلا، لازيم دئير گيزلين ساخلاماق قانونونون

فيكرينده اولاسان، بيزايندي خطر ايچينده ييق، بوقانون جادوسنينن آشاقااولان جادوگرلره گوره نه ديير؟ ((دامبلدور))

اونا چوخ فيكرائليردي. او نمه نه دي اوزاقدان گورسنير؟ ... اه آقاي ((پرستيس)) دي ... بيه دئمه ديم عصاوي

گيزلتمه ؟ من... من ائليه بيلمه رم سنه كومك ائليه م .

بو كي بيرالينده عصاني ساخلييا وبيرالينده دادلي ني داليسيجان سورويه چوخ چتين ايش ايدي ، اما دادلي ائليه

ميردي اوزي يئريسين.

هري نفس نفس ويرا ويرا دئدي: به منه قاباقجان نيه دئمه ميشديز كي ((فشفشه)) سيز؟ من كي بوبئله سيزين

ائويزه گه لرديم نيه دئمزدين؟

ــ بو((دامبلدور)) ون دستوراويدي، منيم گره ك سنده گوزوم اوليدي اما سن بولموييدين، سن چوخ بالاجاايدين،

من ناراحات ايديم كي باعث اولوردوم سنه بيزده چوخ خوش گئشمه سين ، امامجبورايديم ، اگر((دورسلي)) لر

بيلسيديلر كي سنه بيزده خوش گئچير قويمازديلارمنيم ائويمه گله سن ...

اوچوخ ناراحات ايدي و تئزتئز بارماقلارين شاققيلداديردي، گئنه دانيشماقا باشلادي ودئدي: اگر((دامبلدور))

بولسه ... آخي ((موندانگوس)) نه جورائليه بيليب اوزايشين اوتورسون، اوقرارايدي گئجه ياريسينا كيمي اوردا

اولسون ، ايندي هاردا، من((دامبلدور)) ا نه دييم؟ من غيب اولماقي باشارمارام ...

هري زحمت ايلن دئدي: منيم بيربايقوشوم وار، ائليه بيللم سنه بورج وئره م .

ــ هري سن بيلميسن ، ((دامبلدور)) گره ك تئزليقينان بيرايش گوره ، جادوگرليقين وزارتي آز سن ايلي اوشاقلارين

جادو ائله ماقين تئز بيلر، ايندي اولارين بوايش دن خبرلري وار.

ــ اما من مجبورايديم ((دلي الي ين)) لرين الينن قورتولماقدان اوتورجادو ائليه م. اولارحتمأ ايندي بوناناراحات

ديلركي ايكي دانا((دلي الي ين)) بوردا نه ايش گوروردولر.

ــ آه هري كاش ايشلر بو راحات چيليقدا اوليدي ، اما...، ((موندانگوس)) سني اولدوره جاغام.

اوجابيرسس گلدي ومشروبونان توتون اييي كوچه ني دولدوردي. بيرپوتاكيشي كهنه پالتوايچينده اولارين قاباقيندا

ظاهراولدي. اونون الينده بيربوخچا وارايدي كي هري بيليردي اوگورسنميه ن شنل دي.

كيشي هري يه باخاباخادئدي: نه خبر((فيگي)) ، به گيزلين اولماق نولدي؟

خانم ((فيگ)) قيشقيردي: سنه بيرگيزلنماق گورسه ديم كي اوزون كئف ائليه سن!، اوغري، ((دلي الي ين)) لر

بوردايديلر.

((موندانگوس)) تيتيره دي ودئدي: ((دلي الي ين)) لر! بوردا؟

ــ بلي، بوردا، اي گئجه قوشي ! اي ائششه كيشي! ، ((دلي الي ين)) لراواوغلاناكي سن اوني گوزتليردين

حمله ائلييبلر.

((موندانگوس)) آشاآشا دئدي: اي واي يازيق اولدوم...

ــ وسن ده گئتميشدين اوغرولوق ((پاتيل)) ي آلاسان، سنه دئمه ميشديم گئتمه؟

((موندانگوس)) ال آياقين ايتيرميشدي، دئدي: آخي اوجوزساتيرديلار، ياخشي موقعيت ايدي!

((فيگ)) كيفين چيخارديب و((موندانگوس)) ون باشينا چيرپيردي.

ــ ((فيگ)) ايندي گره ك بيرنفر((دامبلدور))ا دئسين.

((فيگ)) پيشيه غذاسينان دولو اولان كيفي اونون باشينا چيرپاچيرپادئدي: ايندي ((دامبلدور))ا دييبلروياخشي دي

كي سن اوزون گئده سن اونا توضيح وئره سن .

((موندانگوس)) كي تيتيريه ن اللرين باشينا قويموشدي دئدي: ((ايرنت)) ايوي آچيق ساخلا، من گئديرم. وبيردن

يوخ اولدي.

((فيگ)) حيرص اينن دئدي: اومودوم وار((دامبلدور)) بوني اولدورسون، هري تئز اول.

هري دادلي ني زورونان چكه چكه گئنه توشدي قوجا آروادين داليسينا.

((پورت درايو))ا يئتيشنده ((فيگ)) دئدي: من سيزي نن قاپينين قاباقيناجان گله جاغام . واي ايندي من نينه ييم؟

سن مجبورايدين تك اولارينان چيرپيشاسان ، اوحالداكي ((دامبلدور)) دئميشدي بيزقويموياق سن جادوايشله ده سن،

سينميش كوزويه آغلاماقين فايداسي يوخدي...

هري دئدي: پس ((دامبلدور)) دئميشدي گوزوز منيم اوستومده اولسون؟

ــ به هن، اينتيظارين وارايدي اوايشلرينن كي ژوئن آيينداسنين باشيواگلدي ، سني ائله بوجور اوتورسون؟ او منه

دئميشدي سن هوشلي اوغلانسان...

دوردومونجي شماريه يئتئشنده ((فيگ)) دئدي: ياخشي ايندي گئت ائوه واورداقال، فيكرائليرم بيرنفرتئزليقدا سن نن

تماس توتا.

هري تئزسوروشدي: پس سن نيني سن؟

ــ گئديرم ائوه، تازادستورلاري گوزلويم، سن فقط ائوده قال ، گئجه ن خيراولسون.

ــ دوز، دوز، ايستيرم بيلم كي...

اما((فيگ)) ائوينه ساري گئديردي.

هري نين باشيندامين لرسوال وارايدي كي ايستيردي ((فيگ)) دن كي ((دامبلدور)) ونان آراسي واريدي سوروشسون

امااوگئتدي.

هري عصاني گيزلتدي و دادلي ني چكدي قاپينين آغزيناوقاپي ني دويدي.

ــ دي دي ! بواختا قاليبسان، نگران اولموشدوق... دي دي ! نولوب؟

هري دادلي يا باخيردي، دادلي نين رنگي گويه چاليردي! اوزيئرينده فيرلانافيرلانا بيردن قاپي نين آغزيندا قوسدي.

ــ دي دي ! دي دي! نولوب؟ ورنون! ورنون!

ورنون اتاقيننان قاچاقاچاچيخدي وگلدي پتونيا يا كومك ائله سين.

ــ ورنون دادلي نين حالي يوخدي.

ــ نولوب اوغلوم، خانم((پاليكس)) سنه نمه نه يئديرديب؟ نيه پالتارلارين توپراق لي دير؟ بيه يئره اوزانميشدين؟

يا خياوان داسنه حمله اولوب؟

پتونيا قيشقيردي: ورنون، پليسه زنگ وير، دي دي ! دئه گوروم نولوب؟

هئچ كسين هري نن ايشي يوخودي وهري ده ائله اوني ايستيردي. ياواش گئتدي پله لره ساري كي اتاقينا گئده...

ــ اوغلوم كيم بوايشي گوروب بيزه دئه، قوخما، هركس اولساعوضين آچاريق.

ــ دينمه ... ايستيربيرشي دئسين...

هري ايستيردي اول پله دن چيخسين كي دادلي دئدي: اونون ايشي دير والي نن هري ني گورستدي!

هري نين بدني بوزاولدي واوزي ايستيردي پاتداسين.

ــ گل بورا هري.

هري هم قورخوردي وهم حيرص لي ايدي اما گئتدي((دورسلي)) لره ساري.

ورنون قيشقيردي: منيم اوغلوما نينه دين؟

هري بيليردي هرنه دئسه اولاراينانمياجاق لار اما دئدي: هئچ زاد!

پتونيا دادلي نين پالتارلارين چيخارديردي ، دئدي: دي دي اوسنه نينه دي؟ گئنه عصاسين چيخاتدي؟

دادلي باشين ايدي. اوحالداپتونيا قيشقيردي و ورنون يوموروقون قوزادي، هري تئز دئدي: من بيرايش گورمه ديم

من دييرديم، او...

ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ

بووبلاگين ((update)) اينين چوخ چكماقينا گورا سيزدن عذر ايستيريق ، بيزسيزين رضايتي زي ديله ييريق اما وقتيميزين آز

اولماقينا گورا بوندان تئز ائليه ميريق، بيزي باغيشلايين.

بيزيم توركي ساواديميز چوخ آزدي وشايد ده توركي ساواديميز هئچ يوخدي ، اگر بو يازيلاردا چوخ اشكال وار بيزيم اوزآناديليميزين

باشارماماقين گورسدير، بو اشكاللاري آزاتماقدان اوتور سيزين نظرلريزي گوزلوروق .

مترجيم ! : مهدي واحد

E mail: mehdi_vahed2002@yahoo.com





لوگو


گجيل سايتي :نه ايستير سينيز!!!؟؟

PDF فرموندا فصيل لر:

بيرينجي فصيل

ايكينجي فصيل

اوچونجي فصيل

دوردونجي فصيل

جناب مهران بهاري دان اوز گوركم وارايش لرينه خاطير تشكر اليريك.


آرشيو