Yalniz

    بو وئبلاگا خوش گليب سينيز....هري پاتر وققنوسون امري دستاني نين توركجه ترجمه سي

Thursday, August 07, 2003

امكاني يوخدي ، اولارائليه بولمزلربوردااولسونلار ((ليتل وينگينگ))ده!

قولا قلارينا فيشارگه تدي ، اولاري گورمميشدن قاباق ائليه بولوردي سسلرين ائشيتسين .

((دادلي)) دئدي: آتاما دييه جاغام ، هارداسان ؟ نه ايش گوروسن؟

((هري)) ياواجا دئدي: خفه لن ! ايسيتيرم اولارين سسينه...

اما ساكيت اولدي . اوشي دن كي قورخوردي ائشيده ائشيتدي .

اوزوينن ((دادلي)) دان سورا كوچه ده آيري بيرشي وارايدي ، بيرشي كي اونون درين نفسلرينين سسين ائشيديردي.

((هري)) كي سويوقدان تيتيريردي ايندي قورخودان تيتيره ماغي چوخالدي.

((دادلي)) قيشقيردي: ((ائله مه ،اولووي قوياجاغام ها، آندايچيرم ...)).

ــ ((دادلي خفه لن !)).

بنگ ...

بيريوموروق هري نين باشينا ويريلدي ، هري نين گوزلري قره لدي ، ييخيلدي يئره وعصاسي الينن يئره توشدي.

((هري)) قيشقيردي: اي ائششك ((دادلي)) ، واوحالداكي گوزلري سويونان دولموشدي ،ديزلري اوستونده دوردي و

گوردي ((دادلي)) كوچه نين نرده لرينه طرف گئدير.

ــ ((دادلي)) ، قييت ، سن دوز اولارين يانينا گئديسن.

قورخمالي بيرقيشقيرتي سسي گلدي و ((دادلي)) داياندي ، ((هري)) داليسيننان بيرسويوق احساس ائله دي وبونون

بيرمعناسي وارايدي: اولارهركيمديلر بيرنفردن چوخدولار.

ــ((دادلي آغزيوي باغلا وفقط دوربير يئرده)).

((عصا!)) هري حيرصلي ايدي ويئردن عصاسين آختاريردي.

((پس هاردادي؟ تئزاول! لوموس!)).

بووردباعث اولدي بيربالاجاايشيق ساغ الينن چيخيب وهري عصاسين گوروب گوتوسون. عصا تاپاننان سورادوردي

اياغ اوستونه وباخدي دوروبرينه.

بيراوجاهيكل كي نظره گليردي گويدن آسلانيب! واوزي شنل آلتيننان گورسنميردي هري يه طرف گليردي. هري دال

دالي گئده گئده عصاسين قوزادي:

((اكسپكتوپاترونوم !)).

اينجه توستي عصانين اوجوننان چيخدي اما تئز آرادان گئتدي ، بو ورد دوزايشله مه دي.

اوهيكل ايستيردي هري نين اوستونه آتيلسين كي هري داليا قاچدي .

هري اوزونه دئيردي قورخما ، فيكريوي بير يئره ييق ، اوحالدا ايكي دانا بوزرنگده ال شنلين آلتيننان چيخيب

هري يه طرف اوزاندي ، هري قيشقيردي:

((اكسپكتوپاترونوم!)).

سسي ضعيف چيخيردي. گئنه اوتوستي عصانين اوجوننان چيخدي اماتئزآرادان گتدي. هري ائليه بولموردي اووردي

دوزايشله تسين.

((هري)) اولومي گوزونون قاباقينداگوروردي، اوزونه دئدي : ((دوزفيكرائله وگوجوون هاميسين ايشله ت، تئزاول))،

گوجونون هاميسين ييغدي بيريئره وقيشقيردي:

((اكسپكتوپاترونوم!)).

بويوك بيرگوزن عصانين اوجوننان چيخدي و وبوينوزلاري اواوزگه كيشيه ديدي واونو آتدي بير طرفه ، گوزن گئنه

اوناطرف يوگوردي اما اوكيشي گئجه قوشوكيمي اوچدي گئتدي . هري گوزنه قيشقيردي: بوطرف! وقاچدي كوچه نين

آشاغاسينا.

ــ((دادلي، دادلي؟)) نئچه قدم قاچاننان سورا دادلي ني گوردي كي ييخيليب يئره واللرين توتوب اوزونه واوبيرسي

اوزگه كيشي اونون اللرين توتوب وايستيري اللرين اوزونن گوتوسون. هري قيشقيردي : حسابينا يئتيش!

گوزن هري نين سسين ائشيده نن سورايين قاچيب واوكيشي ني ائله ويردي كي كيشي آتيلدي گويه واوحالدا يولداشي

كيمي قانادچاليب وقارانليقدا قاچدي.

هرزاد دوزه لدي، اولدوزلار، چيراغلاروهاوانين ايستي سي اوزيئرينه قييتدي.

دادلي يئره اوزانيب وآغليردي.

هري اييلدي وباخدي گوره كي دادلي اياغ اوسته دورابولريايوخ؟ كي داليسيننان بيرسس ائشيتدي وتئزعصاسين الينه

آليب وچوندي، قوجاقونشولاري خانم((فينگ)) اولارا طرف گليردي.

آغ توكلري تورلي بوركونون آلتيننان گورسنيردي واياغ بارماقلاري باشماقلارينين اوجوننان ائشيه چيخميشدي.

هري تئز ايسته دي عصاني گيزله ده اما خانم ((فينگ)) قيشقيردي: اونوگيزلتمه ، اگراولارگئنه بوردااولسالار

نيله رسن؟ من بو((موندانگوس فلچر)) ي اولدوره جاغام!


























لوگو


گجيل سايتي :نه ايستير سينيز!!!؟؟

PDF فرموندا فصيل لر:

بيرينجي فصيل

ايكينجي فصيل

اوچونجي فصيل

دوردونجي فصيل

جناب مهران بهاري دان اوز گوركم وارايش لرينه خاطير تشكر اليريك.


آرشيو